ማን ተለወጠ?

የዘመናትን መለዋወጥ ስናነሳ ባለጊዜዎችን ማውሳታችን አይቀሬ ነው። እስቲ ሁላችንም አንድ ነግር እራሳችንን እንጠይቅ, ዘመን  የሚሄደው ወደ ፊት ነው ወደ ኋላ? መልሱ ሊሆን የሚችለው ወደ ፊት ነው። የሚገርመው ነገር ግን ዘመን ወደ ፊት ሲሄድ ባለ ዘመኖች ወደ ኋላ መሄዳቸው ነው።

ከሰው ስለቆጠርከኝ አመሰግንሃለሁ

አንድ ጊዜ የጣለው ሰው በአንድ ሃገር ይኖር ነበር ይባላል። ይህ ሰው ቀድሞ ብዙ ሃብትና ንብረት የነበረው ፣ በሰዎች ዘንድ የተከበረ፣ ባለው ሃብትና ንብረት የተነሳ ብዙዎች የሚወዱት ሰው ነበር። የዚህ ዓለም ሃብት ሲመጣም ድንገት ሲሄድም ድንገት ነውና ሰውየውም ብልሃትና ጥበብ የጎደለው ሰው ስለነበር ሃብቱ እያለቀ መጣ። በዚያው ልክ የወዳጆቹም ፍቅር እየቀዘቀዘ መሄድ ጀመረ። ዓለም ቁልቁለት ላይ ካገኘችን ርህራሄ የላትምና ባጭር ጊዜ ውስጥ ያለው ሃብቱ ሁሉ አለቀ። በቤቱ ውስጥ የነበረውን ንብረት በሙሉ እያወጣ ሸጦ ጨረሰው። በጎረቤቶቹ ዘንድ ቀድሞ የነበረው ታሪክ ተቀይሮ የተጠላና የተናቀ ሆነ። ከሃብቱ ከንብረቱ ይልቅ በሰው ዘንድ መናቁ እጅጉን አሳዘነው። ቀድሞ ከቤቱ ሲወጣ ከበሩ ላይ ተኮልኩለው ከእጁ ምጽዋት የሚጠባበቁ ነዳያን ሳይቀር ይዘባበቱበት ጀመር።

የጻድቅ መታሰቢያ ለበረከት ነው ምሳ 10፥7

ያለንበት ዘመን በጎ ነገር የማይፈልቅበት እንዲሁም ቀድሞ የነበረው መልካም ነገር እንደ ኋላቀርነት የሚቆጠርበት ጊዜ ከመሆኑ አንጻር በጥቂቱም ቢሆን በበጎ ሃሳብ ተነሳስቶ ለበጎ ዓላማ በህብረት ለመቆም መጣር በራሱ መስዋዕትነት ነው።

     እንኳን ለብርሃነ ትንሳኤው በሰላም አደረሳችሁ ///////

ዲያብሎስን ተቃወሙት ከናንተም ይሸሻል ያዕ 4፥7

ይህ ወቅት በቤተክርስቲያናችን በዓለም ውስጥ ላሉ ሁሉ ፍጥረታት ሰላምና ፍቅርን በረከትን እንዲያገኙ ወደ ፈጣሪያችን በጾም በጸሎት ተወስነን ልመና የምናቀርብበት ጊዜ ነው። ታዲያ በዚህ ጊዜ የሰው ልጅ ሁሉ ጠላት የሆነው ሰይጣን ዲያብሎስ በተለያየ መንገድ ከዓላማችን ወደ ኋላ እንድንል የማይቀይሰው መንገድ አይኖርም። ስለዚህ ሐዋርያው ቅዱስ ጳውሎስ በመልእክቱ “መጋደላችን ከደምና ከሥጋ ጋር አይደለምና፥ ከአለቆችና ከሥልጣናት ጋር ከዚህም ከጨለማ ዓለም ገዦች ጋር በሰማያዊም ስፍራ ካለ ከክፋት መንፈሳውያን ሠራዊት ጋር ነው እንጂ ኤፌ 6፥12 ” እንዳለው በክርስትና ህይዎት ስንኖር ብዙ ልዩ ልዩ ዓይነት ፈተና ሊገጥመን ይችላል። ይህን ፈተና የምናልፍበት ጥበብና ማስተዋል ከሌለን ጠልፎ ሊያስቀረን ይችላል።